MAKATIBU WAKUU WAKUTANA ARUSHA KUZUIA BIDHAA FEKI KUTOKA NJE YA KANDA

-

Makatibu Wakuu wa Nchi Wanachama wa Jumuiya ya Afrika Mashariki (EAC) wanaosimamia masuala ya mtangamano wamekutana katika Makao Makuu ya Jumuiya hiyo jijini Arusha kwa ajili ya kukamilisha maandalizi ya Mkutano wa 48 wa Baraza la Kisekta la Mawaziri wa Biashara, Viwanda, Fedha na Uwekezaji (SCTIFI) ngazi ya mawaziri, unaotarajiwa kufanyika tarehe 4 Juni 2026.

Kikao hicho cha Makatibu Wakuu, kinachofanyika kwa siku mbili kuanzia tarehe 2 hadi 3 Juni 2026, ni sehemu ya maandalizi ya mwisho ya mkutano wa mawaziri unaotarajiwa kutoa mwelekeo wa kisera na maamuzi yatakayochochea ukuaji wa biashara, maendeleo ya viwanda na ongezeko la uwekezaji katika Jumuiya, sambamba na kuimarisha ushindani wa uchumi wa kanda.

 

Makatibu Wakuu hao wamepokea na kujadili taarifa mbalimbali zilizowasilishwa na wataalamu kuhusu utekelezaji wa maamuzi ya mkutano uliopita wa SCTIFI. Miongoni mwa taarifa zilizojadiliwa ni pamoja na; taarifa Kamati ya Forodha, Kamati ya Viwango ya Afrika Mashariki, Kamati ya Uwekezaji, Kamati ya Ushindani ya Afrika Mashariki na Kamati ya Maendeleo ya Viwanda.

Aidha, kikao hicho kimejadili taarifa ya mapitio ya Kanuni za Uasili wa Bidhaa za Afrika Mashariki (Rules of Origin) iliyowasilishwa na Kikosi Kazi cha Kikanda cha Wataalamu. Mapitio hayo pamoja na masuala mengine yanalenga kulinda soko la bidhaa zinazozalishwa ndani ya EAC kwa kuhakikisha bidhaa zinazostahili kunufaika na upendeleo wa biashara ndani ya Jumuiya. Hatua hiyo pia inalenga kuchochea uzalishaji wa ndani, kuongeza thamani ya bidhaa, kuvutia uwekezaji wa viwandani na kuimarisha ushindani wa bidhaa za EAC katika masoko ya kikanda na kimataifa. 

Ujumbe wa Tanzania katika kikao hicho unaongozwa na Naibu Katibu Mkuu wa Wizara ya Mambo ya Nje na Ushirikiano wa Afrika Mashariki ambaye pia ni Kaimu Katibu Mkuu anayeshughulikia masuala ya Afrika Mashariki, Balozi Said Shaibu Mussa, ukijumuisha Katibu Mkuu wa Wizara ya Biashara na Maendeleo ya Viwanda - Zanzibar, Dkt. Habiba Hassan Omar, Naibu Katibu Mkuu Wizara ya Viwanda na Biashara, Bw. Aristides R. Mbwasi, pamoja na maafisa wengine waandamizi wa Serikali.

Comments

Post a Comment

Popular posts from this blog

RESIDENTS OF IYAGABUYAGA-BUSEGA URGED TO RESPECT WILDLIFE CONSERVATION LAWS

-
Image
​The government has called on the residents of Iyagabuyaga Village, Busega District, Simiyu Region, to respect wildlife conservation laws, regulations, and procedures to avoid conflicts with the state and promote sustainable conservation activities in the country. ​The Head of Wildlife Officers at the Ministry of Natural Resources and Tourism, Nassoro Wawa , made the statement on October 6, 2025, during a public meeting held in the village. The meeting aimed to raise community awareness on conservation and explain how to address the challenges posed by dangerous and destructive wild animals, following a heightened problem with hyenas in the area. ​During the awareness session—conducted by a team of experts from the Ministry of Natural Resources and Tourism, the Tanzania Wildlife Management Authority (TAWA), and regional wildlife officers—Wawa reiterated that under the Wildlife Conservation Act, wild animals are considered state property. Capturing or killing them without authorizati...
Read more

TANZANIA YAKAMILISHA MFUMO WA KUREJESHA HALI BAADA YA MAAFA

-
Image
TANZANIA imekamilisha maandalizi ya Mfumo wa Taifa wa Kurejesha Hali Baada ya Maafa, hatua inayolenga kuimarisha uwezo wa Taifa kukabiliana na athari za majanga yanapotokea. Mfumo huo unatajwa kuwa sehemu ya mkakati mpana wa Tanzania wa kukabiliana na ongezeko la maafa yanayochangiwa na mabadiliko ya tabianchi, huku ukitoa mwongozo wa hatua za haraka za kurejesha huduma za kijamii, miundombinu muhimu pamoja na shughuli za kiuchumi katika maeneo yaliyoathirika. Hayo yameelezwa na Naibu Waziri wa Ardhi, Nyumba na Maendeleo ya Makazi, Mhe. Kaspar Mmuya akimwakilisha Waziri wa Nchi Ofisi ya Waziri Mkuu (Sera, Bunge, Uratibu na Wenye Ulemavu) Mhe. Prof. Palamagamba Kabudi katika Mkutano wa Sita wa Kawaida wa Kamati ya Mawaziri wenye dhamana ya Usimamizi wa Maafa katika nchi wanachama wa Jumuiya ya Maendeleo Kusini mwa Afrika (SADC) uliofanyika Mei 11 hadi 14 mjini Masvingo, Zimbabwe. Alisema mfumo huo umezingatia matumizi ya mifumo ya kisayansi na teknolojia ili kupata taarifa sahihi na za ...
Read more

RC CHALAMILA MASHINDANO YA AFCON YATUMIKE KIBIASHARA

-
Image
Mkuu wa Mkoa wa Dar es Salaam Mhe Albert Chalamila amefanya ziara ya kutembelea ujenzi wa viwanja vya farasi na leaders club wilayani kinondoni ambavyo ni miongoni mwa viwanja vitakavyotumika kwa ajili ya mazoezi wakati wa mashindano ya AFCON na kumtaka mkandarasi kukamilisha ujenzi kwa wakati ambapo ameitaka Halmashauri kuyatumia mashindano hayo kibiashara kwa kuhamasisha utalii lakini pia kutengeneza mazingira wezeshi kwa wananchi kufanya biashara mbalimbali ili kujiongezea kipato Akizungumza akiwa katika muendelezo wa ziara zake katika Mkoa huo kwenye viwanja vya farasi Wilaya ya Kinondoni Jijini Dar es Salaam RC Chalamila ameitaka Halmashairi hiyo kufanya maboresho ya fukwe zake ikiwemo Coco beach ili ziweze kutumika vyema kuhamasisha utalii wakati wa AFCON huku akishauri kuwepo kwa utalii wa vyakula mbalimbali vya kitanzania hivyo ameitaka Halmashauri kuweka mazingira bora kwa watanzania kufanya biashara ikiwemo ya vyakula Aidha RC Chalamila ameweeka msisitizo kwenye kukamilika kw...
Read more